10 декабря 2016 года — Икона Божией Матери «Знамение»

10 декабря 2016 года.
Седмица 25-я по Пятидесятнице.
Икона Божией Матери «Знамение».
Проповедь протоиерея Вячеслава Перевезенцева.
Храм Святителя и Чудотворца Николая (село Макарово). Икона Божией Матери «Знамение»Икона Божией Матери «Знамение»

10 декабря 2016 года. Седмица 25-я по Пятидесятнице. Икона Божией Матери «Знамение». Проповедь протоиерея Вячеслава Перевезенцева. Свято-Никольский храм с. Макарово (г.о. Черноголовка).

Тропарь Божией Матери пред иконой Ее «Знамение», глас 4
Яко необоримую стену и источник чудес стяжавше Тя, раби Твои, Богородице Пречистая, сопротивных ополчения низлагаем. Темже молим Тя: мир граду Твоему даруй и душам нашим велию милость.
Кондак Божией Матери пред иконой Ее «Знамение», глас 4
Честнаго образа Твоего знамение празднующе, людие Твои, Богородительнице, имже дивную победу на сопротивныя граду Твоему даровала еси. Темже Тебе верою взываем: радуйся, Дево, христиан Похвало.
 
Величание Пресвятей Богородице в честь иконы Ея «Знамение»
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.
Ино величание Пресвятей Богородице в честь иконы Ея «Знамение» Новгородская
Величаем Тя, Пресвятая Дево, и чтим образ Твой честный, имже победу на враги дарова граду нашему.
 
Молитва Пресвятей Богородице в честь иконы Ея «Знамение» Новгородская
О Пресвятая и Преблагословенная Мати Сладчайшаго Господа нашего Иисуса Христа! Припадаем и поклоняемся Тебе пред святою чудотворною иконою Твоею, воспоминающе дивное знамение Твоего заступления, великому Новуграду от нея явленное во дни ратнаго на сей град нашествия. Смиренно молим Тя, Всесильная рода нашего Заступнице: якоже древле отцем нашим на помощь ускорила еси, тако и ныне нас, немощных и грешных, сподоби Твоего Матерняго заступления и благопопечения. Спаси и сохрани, Владычице, под покровом милости Твоея Церковь Святую, град Твой (обитель Твою), всю страну нашу православную и всех нас, припадающих к Тебе с верою и любовию умиленно просящих со слезами Твоего заступления. Ей, Госпоже Всемилостивая! Умилосердися на ны, обуреваемыя грехи многими, простри ко Христу Господу Богоприемнеи руце Твои и предстательствуй за нас пред благостию Его, просящи нам прощения прегрешений наших, благочестнаго мирнаго жития, благия христианския кончины и добраго ответа на Страшнем Суде Его, да, спасаеми всесильными Твоими к Нему молитвами, блаженство райское унаследуем и со всеми святыми воспоем Пречестное и Великолепое Имя Достопоклоняемыя Троицы, Отца и Сына и Святаго Духа, и Твое велие к нам милосердие, во веки веков. Аминь.

 
Ввернутся в рубрику:
Проповеди в 2016 году »