Собор новомучеников и исповедников Церкви Русской.
Свт. Григория Богослова, архиеп. Константинопольского (389).
Сщмч. Владимира, митр. Киевского и Галицкого (1918).
Поминовение всех усопших, пострадавших в годину гонений за веру Христову.
Проповедь протоиерея Вячеслава Перевезенцева.
Храм Святителя и Чудотворца Николая (село Макарово).
За Божественной Литургией 7 февраля 2016 года читали:
– Евангелие от Луки (глава 18, стихи 35 – 43),
– Первое послание к Тимофею святого апостола Павла (глава 1, стихи 15 – 17);
– Евангелие от Луки (глава 21, стихи 8 – 19),
– Послание к Римлянам святого апостола Павла (глава 8, стихи 28 – 39).
Тропарь Собора новомучеников и исповедников Церкви Русской, глас 4
Днесь радостно ликует Церковь Русская, прославляющи новомученики и исповедники своя: святители и иереи, царственныя страстотерпцы, благоверныя князи и княгини, преподобныя мужи и жены и вся православныя христианы, во дни гонения безбожнаго жизнь свою за веру во Христа положившия и кровьми истину соблюдшия. Тех предстательством, долготерпеливе Господи, страну нашу в Православии сохрани до скончания века.
Ин тропарь Собора новомучеников и исповедников Церкви Русской, глас 4
Цвети Российскаго луга духовнаго в годину лютых гонений дивно процветшии новомученицы и исповедницы безчисленнии: святителие, царственнии страстотерпцы и пастырие, монаси и мирстии, мужие, жены же и дети, добрый плод в терпении Христу принесшии, молитеся Ему, яко насадителю вашему, да избавит люди Своя от безбожных и злых, да утверждается же Церковь Русская кровьми и страдании вашими во спасение душ наших.
Кондак Собора новомучеников и исповедников Церкви Русской, глас 3
Днесь новомученицы Российстии в ризах белых предстоят Агнцу Божию и со Ангелы песнь победную воспевают Богу: благословение, и слава, и премудрость, и хвала, и честь, и сила, и крепость нашему Богу во веки веков. Аминь.
Ин кондак Собора новомучеников и исповедников Церкви Русской, глас 2
Новии страстотерпцы Российстии, исповеднически поприще земное прошедши, страданиями дерзновение приимшия, молитеся Христу на вас призревшему, яко да молящиися вам в час испытания веры их, мужества дар приимут. Образ бо есте нам, лобызающим стопы ваша, яко ни скорбь, ни теснота, ни смерть, от любве Божия разлучити вас не возмогоша.
Молитва новомученикам и исповедникам Церкви Русской
О, святии новомученицы и исповедницы Российстии: святителие и пастырие Церкве Христовы, царственнии страстотерпцы, благовернии князие и княгини, доблии воини, монаси и мирстии, благочестивии мужие и жены, во всяцем возрасте и сословии за Христа пострадавшии, верность Ему даже до смерти свидетельствовавшии и венец жизни от Него приемшии!
Вы во дни гонения лютаго, землю нашу от безбожных постигшаго, на судищах, в заточениих и пропастех земных, в горьких работах и всяких скорбных обстояниих образ терпения и непостыднаго упования мужественне явили есте. Ныне же, в раи сладости наслаждающеся, пред Престолом Божиим во славе предстоите и присно хвалу и ходатайство со ангелы и всеми святыми Триединому Богу возносите.
Сего ради мы, недостойнии, молим вас, святии сродницы наши: не забудите земнаго отечества вашего, грехом Каинова братоубийства, поруганием святынь, безбожием и нашими беззаконии отягченнаго. Умолите Господа Сил, да утвердит Церковь Свою непоколебиму в мире сем многомятежнем и лукавом; да возродит в Земли нашей дух братолюбия и мира; да паки будем мы царское священие, род Божий, избранный и святый, присно с вами славящий Отца и Сына и Святаго Духа во веки веков. Аминь.
О Соборе новомучениках и исповедниках Церкви Русской можно прочитать на www.azbyka.ru/days/
Тропарь святителя Григория Богослова, глас 1
Пастырская свирель Богословия твоего риторов победи трубы, якоже бо глубины духа изыскавшу, и доброты вещания приложишася тебе. Но моли Христа Бога, отче Григорие, спастися душам нашим.
Кондак святителя Григория Богослова, глас 3
Богословным языком твоим сплетения риторская разрушивый, славне, православия одеждею, свыше истканною, Церковь украсил еси, юже и носящи, с нами зовет, твоими чады: радуйся, отче, Богословия уме крайнейший.
Житие Григория Богослова, архиеп. Константинопольского, можно прочитать:
– Святитель Григорий Богослов на days.pravoslavie.ru
– Святитель Григорий Богослов на days.pravoslavie.ru
– Святитель Григорий Богослов, Назианзин, Младший, Константинопольский, архиепископ на azbyka.ru/days/
Тропарь священномученика Владимира, глас 2
Веры православныя непорочный блюстителю и заповедей Христовых усердный исполнителю, священномучениче Владимире, Христа всем сердцем возлюбив, паству твою добре упасл еси, незлобиво мученическую смерть приял еси. Сего ради в вечней славе пребывая, моли спастися душам нашим.
Кондак священномученика Владимира, глас 2
Образ Христова милосердия являя, покров и защищение пастве твоей был еси, святителю отче Владимире, в кротости и незлобии страдания приемля, безбожных мучителей, благословляя, простил еси. Темже и нам испроси у Христа Бога дух мирен и велию милость.
Молитва священномученнику Владимиру, Митрополиту Киевскому
О священномучениче и исповедниче Христов Владимире! Услыши слезныя молитвы чад твоих и воздыхания, сердцем сокрушенным и смиренным приносимая. Се бо беззаконии омрачихомся и того ради бедами, яко тучами, обложихомся. Но ты, святе Владимире, понеси, яко сильный, немощи наша, не отлучайся от нас духом, да не разлучимся в конец от любве Божия. Призри милостивно на предстоящия и молящияся пред святою иконою твоею и вся прошения их во благое исполни. Веруем бо, яко твоих страданий ради за отечество и люди российския велие дерзновение ко Господу имаши. Егоже умоли, да укрепит ны в Православии и единомыслии, и непоколебимом даже до смерти исповедании веры Христовы, страну нашу да спасет от междоусобныя брани, пастырем нашим да подаст духовное трезвение и ревность о спасении пасомых, правителем же суд и правду, обидимым заступление, недугующим душ и телес исцеление. Мы же, грешнии, твоим предстательством укрепляеми, восхвалим Господа Иисуса Христа, Емуже слава подобает, честь и поклонение, со Безначальным Его Отцем и Пресвятым Духом, ныне и присно и во веки веков. Аминь.
Житие Сщмч. Владимира, митр. Киевского и Галицкого, можно прочитать:
– Священномученик Владимир, митрополит Киевский и Галицкий на days.pravoslavie.ru
– Священномученик Владимир Киевский и Галицкий на days.pravoslavie.ru
– Священномученик Владимир (Богоявленский), Киевский, митрополит на azbyka.ru/days/